വര്‍ണന
കുളിര്‍ക്കാറ്റിനോടൊപ്പം
ഓട്ടമത്സരങ്ങള്‍ നടത്തുന്ന
പഞ്ചവര്‍ണ്ണ കിളികള്‍,കൊക്കുകള്‍
കൊത്തി മിനുക്കി മിന്നിനെപ്പോലെ
നിലപ്പരവതാനിയായ പുഴയിലേക്ക്
കുതിക്കുന്ന മീന്‍കൊത്തികള്‍. പച്ചപുതപ്പിനുമേല്‍
പഞ്ഞിക്കെട്ടുകള്‍ നിരത്തി
വച്ചിരിക്കുന്നു.പുഴ
ഒഴുകും പോലെ ഇളം കാറ്റിനോടൊപ്പം
കുയിലിന്‍ തേന്‍ മധുരിത
ഗാനം ഒഴുകി മറിയുന്നു.എവിടെത്തിരിഞ്ഞൊന്നു
നോക്കിയാലും പ്രകൃതി തന്‍
സമ്മാനങ്ങള്‍,കുളിര്‍ക്കാറ്റിന്റെ
ഇടയിലൂടെ കളിച്ചും ചിരിച്ചും
ഓടി വരുന്ന ഇളം വെയില്‍, പച്ചപുതപ്പിനിടയില്‍
പൂവന്‍ കോഴിയെ പോലെ തല
പൊന്തിച്ചു നില്‍ക്കുന്ന
പലതരം പൂക്കള്‍,പുഴയുടെ
ഇളക്കത്തിനൊപ്പം നൃത്തം
ചെയ്യുന്ന ആമ്പല്‍
പൂക്കള്‍, ഉല്സവത്തിന്
ആനകള്‍ നിരന്ന് നിന്നത്
പോലെ പച്ച കോട്ടണിഞ്ഞ്
നില്‍ക്കുന്ന കുന്നുകള്‍, ആകാശത്ത്
വെള്ളിക്കിണ്ണം പോലെ ഇളിച്ച്
കൊണ്ടിരിക്കുന്ന സൂര്യന്‍,എന്നും
ഭൂമി തന്റെ പുന്നാര പ്രകൃതിയായ
മകളെ കുളിപ്പിച്ച് കൊണ്ടേയിരിക്കും.
റിസ്വാന്‍
എ എം
7 എ
No comments:
Post a Comment